Vanbawng Branch YMA President, Pu Darhlunchhunga hnen a\anga Zonet thudawn danin, Rochungnunga hi Tuivai kama a lovah a riak a, Thawhlehni zan khan Tuivaiah hian Sangha man turin a kal a. A tukah pawh a la haw loh avangin a riahpuiten an zawng nghal a, an hmuh mai loh avangin Vanbawng khawtlang hruaitute hriattir nghal an ni a, nimin khan a Sangha manna bawr vel an enfiah laiin, a meizial paina bur chu lui a\anga lo lang an hmu a, tuiah a tla nia ringin an zawng mek a ni. Pu Darhlunchhunga chuan Vanbawng khawtlang mai bakah an khaw \henawm North Khawlek, Lamherh leh Suangpuilawn bakah Manipur-a Parvachawm khaw mipui \hahnem takin an zawnpui tih a sawi a, hetihrual hian tui a tam bakah ruah a sur deuh reng avangin chet a harsa a, an hmanraw neih chhun chu Mau pum mai a nih avangin tih vak ngaihna a awm lova, hetiang hi hi ni mah se, an hmuh hma loh chu Mizo danin ni 7 chhung chhun zan zawmin an zawng dawn tih a sawi.
