Assam lamin dawr te an rawn siamna hmun hi State pahnihin kut thlak loh tawn tawnna tur puan chin a ni tih Home Minster hian a sawi a, Covid 19 vanga tun hnaia temporay excise check gate an siam pawh an rawn sawisel nghal avangin, Assam lamin Vairengte thlang kawngpui sira dawr te an rawn siam chu insaseng tura lo hrittir turin Kolasib SP a hrilh tih a sawi.
Hemi chungchanga ZONET zawhna chhangin Kolasib SP Pu Vanlalfaka Ralte chuan, Assam lama helai hmun bialtu SP a biak pawh thu a sawi a, Assam lam hian Vairengte thlanga temprary excise check gate awm chu an chhuanlam thu leh hei hi tih tawp a nih chuan dawr te pawh an tihtawp ve nghal tur thu an lo hrilh tih a sawi a, hetihrual hian dawr siam te chu dawr nghet pangngai a nih loh thu leh Covid 19 vanga lirthei tangkhang ten ei leh in tur an zawn nasat, remchanga hmanga siam anih thu an lo hrilh tih a sawi a, Covid 19 zawh hunah an thiah nghal vek tur thu a lo tiam avangin hmalak zuina a awm rih lo tih a sawi.
Vairengte a kan Corr hnen atanga thudawn danin Assam lamin kawngpui sira dawr te an siam hi 10 chuang a ni a, hei hian Vairengte Auto stand pawh a hnaih sawt hle a, dawr thenkhat hi thiah nia sawi ni mah se, dawr hi engemawzat ala awm a, sa thar pawhh an awm zel a ni.
