An ngenna hi naktuk tlai dar 5 hmaa tih hlawhtlin a nih loh chuan kawng dan thlenga hmalak an duh thu an sawi.
Vairengte khawtlang hruaitute sawidanin, bungraw lo lut zingah nitin mamawh leh nitin mamawh ni lem lo te pawh a la tel a, ruihhlo ti \hin, ramri kana chhuk thla an awm \hin bawk a, Assam nena inrinaah luh chhuah theihna a tam si a, ramri-a sipai vengtu sorkarin a dah zat chu tawk lovin an ngai a, dah belh an duh a ni.
Vairengte khawtlang hian nitin mamawh Mizorama chawk luh dan tur pawh a kalphung thlak an rawt a.
Buhfai lakluh ang deuhin, sorkarin a enkawltu bik siam se, transit centre ang deuh siamin bungraw lakluhte chumi hmunah chuan dah khawm vek phawt nise, phai a\anga bungraw phurtu lirthei tlan tlang tawh lovin, District hrang hrangin a tlem thei ang ber an mamawh siamin, transit centre a\ang hian mizoram motor-a phurh chhawn \hin an rawt a ni. Transit centre ah hian bungrua te pawh tih thianghlim phawt an rawt a ni.
