He thil thlengah hian car-a chuang mi pahnih an thih bakah pawngsual tawk hmeichhe tleirawl leh a ukil te chuan hliam na tak an tuar a, a pawngsualtu, BJP MLA ni \hin tuna Jail-a tang mek chu he thil thlengah hian a inrawlh nia hriat a nih avangin hmeichhe tleirawl chhungte hian Uttar Pradesh pawn lama an thubuai ngaihtuah an phut a ni/
Hmeichhe tleirawl leh a chhungte hian Chief Justice Ranjan Gogoi hnenah lehkha thawnin, BJP MLA ni \hin Kuldeep Sengar leh a mi leh sa te hian an chhungkua an vau tih an sawi a, an thubuai hnuklet turin nasa takin an vau niin an sawi a, Court sang ber hian he thil hi ngaihtuah tura ziaklut turin court register lam chu a hriattir a ni.
BJP sorkarna Uttar Pradesh-ah hian he thil thleng hi police ten an chhui muang hle a, pawngsualtua puh Kuldeep Sengar hi \um 4 MLA lo ni tawh a ni. Hmeichhe tleirawl hian kum 2017 khan hna a dil laiin, Kuldeep Sengar leh a \huihhruaiten an pawngsual niin a sawi a, nikum April thla khan a thil tawn hi mipui hmaah puangzarin police ten a thubuai an ziahluh sak duh lo anih chuan Chief Minister Yogi Adityanath chenna in bula intihhlum a tum thu a sawi a, hemi hma ni chiahah hian hmeichhe tleirawl pa chu Sengar-a unaupa Atul chuan na takin kut a thlak a, police te chuan hmeichhe tleirawl pa hliam tuar hi an man zawk a, police te kuta a awm laiin a thi zui bawk a ni.
Mipuite nawrna nasa tak avangin Atul Sengar hi tualthah thubuai siamsaka man a ni a. Pawngsualtua puh Kuldeep Sengar pawh hi mipui lamin nasa taka an nawr hnuah nikum April thla khan man a ni a, May thlaah Allahabad High Court chuan he thubuai POCSO hnuaia ngaihtuah mek chu Lucknow-a Special CBI Court ngaihtuah turin a sawn a, thla hnih hnuah CBI te hian chargsheet an thehlut a, thubuai hi ngaihtuah zui a ni ta lo a ni.
