He thil thlenna Petiyan khua hi Sambhal District huamchhung ami a ni a, naupang pathumte ruang hi a hnu deuhah a bul hnaia kal loneituten an hmu chhuak a ni. Police te hriattir an nih hnuah electrict tih tihtawp nghal a ni a, hemi hnu hian naupangte ruang hi lak chhuah a ni. Police officer Ranveer Sing chuan electrict dept lam fimkhur tawk loh vanga he thil hi thleng a ni tih a sawi a, naupangte ruang hi post mortem tura thawn nghal a ni a, mipui thinrimin buaina nasa zawk an thlen lohna turin police tam zawk tirh luh nghal an ni a ti bawk. District Magistrate Avinash Krishan Sing chuan sub divisional magistrate Deependra Yadav kaihhruaina hnuaiah he vanduaina thlen dan hi chhui chian nghal a ni a, ni thum chhungin a report hi thehluh a ni ang a ti a, hemi rual hian Electric dept-a executive engineer chu thil thlen dan report kimchang thehlut turin a hriattir nghal tih a sawi bawk.
Chanchin Thar Uttar Pradesh Petiyan khuaah naupang pathum te an tui chenna dilah electric...
