A kaihhruai sorkar-ah eirukna leh eiruk ching sorkar hnathawkte tan hmun a awm lo tih a sawi a, sorkar hnathawkte zingah eiru an awm anih chuan an hna a\anga pension luih tir zel an ni dawn tih Secreatariat Administration Dept hotute a kawmnaah a sawi a ni.
Home Dept hmalak dan a thlirpuinaah Adityanath hian police officer te zinga eiruknaa fihlim lo te a vaukhan bawk a, police nih phung anga rinawm taka thawk thei lo te chu pension-a chhuah luih tir an ni ang a, police hna thawk peih lo te chu sorkar leh police dept tan mi hnawksak mai an nih avangin hetiang mi te pawh hi pension-a chhuah luih tir zel an ni ang a ti a, police te zingah eiru an awm anih chuan Jail-a khung an nih loh pawhin bantir zel an ni ang a ti. Adityanath hian officer senior te chu eiruk chingte hming chhinchhiah turin a hriattir bawk a ni.
