Uttar Pradesh Assembly Session ah eptu member ten CAA, dan leh thupek kenkawh chungchang, hnathawh tur awm lo leh eirawngbawlna gas man pung chungchang an au chhuahpui a, rorel inkhawm a buai hle.

Session \anni-a thusawi tura Governor Anandiben Patel a din chhuah rualin Samajwadi party MLA te chu house lailiah an chhuak khawm a, an zinga \henkhat chuan Citizenship Amendment Act duh lohna lantirna thuziak an keng a, MLA \henkhat chuan eirawngbawlna gas man tih san duh lohna lantirin Gas bur te an putlut bawk a ni.

Samajwadi leh Congress MLA te chuan Assembly house pawn lamah pawh lungawi lohna an lantir chhunzawm a, congress MLA \henkhat chuan thil man sang chak lutuk an duh lohna lantirin rickshaw-pu te hnenah tomato te an sem a ni.

UP Assembly Session ah hian BJP sorkar chuan budget a pharh dawn a. Hei hi a \um 4-na tur a ni.