He misual hian a thurualpui Zahid tia koh nen Aligarh ah hian naupang kum 2 mi an that a, he naupang kum 2 mi pu hnen a\anga a sum puk thuah inhmuhthiam lohna an neih avangin he naupang hi an that ta nia hriat a ni. Pathianni khan khawlai ui ten bawlhlawh paihna hmun a\angin hmeichhe naupang taksa bung \henkhat hi an pu chhuak lai hmuh a ni a, hmeichhe naupang hi May ni 30 a\ang tawha chin hriat loha bo tawh a ni. He pawikhawihna rapthlak tak hian dem a hlawh hle a, Politician, film star leh mi lar dang tam takin an dem thu an au chhuahpui a ni.
Aligarh Police te chuan hmeichhe naupang hi rehhlum a nih thu an sawi a, hmuh a nih hian a ruang hi a chhe nasa tawh hle a, a kut leh ke te pawh a thlawn tawh a ni.
Naupang ruang hmuhna hmun hi tualthattu-a puh mi phnihte chenna a\anga km chanve aia hnaiah a ni a, hmeichhe naupang pu laka an phuba lak dan rapthlak tak hian mi thin a ti \hawng hle.
Police te sawidanin Zahid hian hmeichhe naupang pu hnen a\ang hian cheng sing 5 a puk a, cheng sing 1 rulh bak a la nei a, hemi chungchanga inhnialna an neih tuk-ah hmeichhe naupang hi an chenna in kawt a\angin a bo a, chhungkhat laina leh \henrual \ha ten zankhuaa an zawn hmuh zawh loh hnuah a tukah Police ah an thlen a ni.
Tualthattu te hi POCSO Act hnuaiah pawh thubuai siamsak an ni a, an pawikhawih a len em avang hian National Security Act hnuaia firfiaka che te dona dan hmang pawha chhui tel an ni dawn tih police te chuan an sawi a, police panga te chu an duty ngaihthah-a ngaih an nih avangin suspend nghal an ni bawk.
