Chinmayanand hi BJP hruaitu hlun, Union Minister hlui a ni a, Hmeichhia hian Delhi Police leh Magistrate te hmaah a chunga thil thleng hi a sawi chhuak a, Supreme Court din, Special Investigation Team hmaah a sawi nawn leh a, darkar 15 chhung zawhna an zawt a ni.
Pawngsual tawktu hmeichhe sawi danin nikum June thla khan Shahjahanpur-a Chinmayanand-a din College-ah Dan zir turin admission tih a tum a, chu chu Chinmayanand-a a hmuh hmasak berna a ni tih a sawi a, Chinmayanand chuan a phone number a laksak hnuah admission a tih sak dawn tih a hrilh a, hemi hnu hian vawi tam tak a bia a, college library-ah thla khata Rs.5,000 hlawha thawk turin a sawm bawk tih a sawi.
Chinmayanand hian October thla khan hostel-a lut turin a sawm leh a, hemi hnu hian ashram-a tel turin a sawm leh niin hmeichhia hian a sawi a, a inbual lai video a laksak chu hmuhin a sawmna a tihhlawhtlin loh chuan thehdarhah a vau niin a sawi bawk.
Hemi hnu hian he hmeichhia hian a duh lo chung a chunga thil thleng \hin finfiah nan Chinmayand-a chetdan chu a rukin video-in a la a, August thla khan Facebook-ah video chu post-in college a\ang chuan a tlanchhuak a, a chin hriat zui tur a awm ta lo a ni.
He hmeichhia hi a tlanbo a\anga a ni 3 ni-ah a chhungten Uttar Pradesh Police-ah FIR an thehlut a, an fanu rubo leh tih\haihah Chinmayanand hi an puh a ni.
A chanchin an chhuinaah he hmeichhia hi Rajasthan-ah kar kaltaa a awm tih hriat a ni a, Supreme Court chuan Police te chu tun thla ral hmaa a fala thu zawtfiah turin a ti a ni. Hemi hmalam hian UP Police te a ring tawk lo tih he hmeichhia hian a lo sawi tawh a ni.
Chinmayanand hian amah puhna zawng zawng chu a pha vek a, A ukil chuan Chinmayanand-a tihhmingchhiat tum hrim hrim vangin hmeichhe chhungte hian ruahmanna an siam niin a sawi.
