Chief Justice Ranjan Gogoi kaihhruai Supreme Court bench chuan Peoples Union for Civil Liverties PUCL ngenna thehluh hi ngaihtuahin a pawm a, he thu ngaihtuah leh hun atan hian February ni 12 a ruat nghal a ni. Uttar Pradesh sorkar aiawha ding Senior Advocate Mukul Rohatgi chuan police te chet danah dan bawhchhiatna engmah a awm lo niin a sawi ve thung.
Hemi hmalam hian PIL pakhat hmanga thu lut ngaihtuahin Supreme court chuan Uttar Pradesh sorkar chu thil awmdan sawifiah turin a lo ti tawh a, PIL thehluttute hian kum 2017 chhung ringawt khan Police te leh misualte inbeihna \um 1100 thleng anga record anih thu leh hengahte hian mi 49 kahhlum an nih bakah mi 370 in hliam an tawrh thu an tarlang a, Chief Minister Yogi Adityanath chuan hengte hi police leh misualte inbeihna a ni tih a sawi a, PIL thehluttute chuan thil awmdan dik tak, CBI emaw, Special Investigation Team emaw chhui chian tir tur leh chung thil chhuina te chu Court enpuina hnuaia kalpui turin Supreme Court hi an ngen a ni.
