Hetihlai hian mipuite chhinchhiah an nih dan kalphung erawh engtiang chiaha kalpui nge tih a la chiang lo thung a, sawisel hlawh tak Citizenship Amendment Act hi ni thum liamta maiah hman \an a ni a, a kenkawh dan tur rules erawh duan a la ni lo a ni.
Uttar Pradesh Minsiter zinga mi, sorkar thupuangtu nibawk Shrikant Sharma chuan hmanhmawh taka thil tih an tum lo tih a sawi a, survey kallai a nih avangin District thuneitute chu survey data thar ber nei tura hriattir an ni a ti a, hei hi central sorkar-ah pawh thlen a ni ang a ti.
Tuna chhinchhiah tawhte hi Uttarakhan ramri leh Nepal ramri hnaiha chengte nia sawi an ni a, sorkar mipawimawh zinga mi Vaibhav Shrivastava chuan Bangladesh a\anga raltlan mi 37,000 an awm tih sawiin chung mite chu chhinchhiah fel an ni a ti.
Uttar Pradesh hi Citizenship Amendment Act dodal nasat berna state a ni a, mi 21 in an thih phah a, police lam pawh mi 300 vel an hliam a ni. Home Minister Amit Shah chuan he dan thar hi hnuhlet a ni dawn lo tih a sawi.
