Ralthuam phurh thlen hmasa te hian an khawpui Ankara \umhmun a thleng ta tih Defence Ministry chuan a sawi. Hetianga Turkey in Russia ralthuam a lei hian US chu a ti thinur ngei dawn a, US chuan Turkey in S-400 anti-aircraft defence system leh US siam indo thlawhna F-35 te chu a nei kawp thei lo ang tih a lo sawi lawk tawh a ni.
Turkey leh US te hi Nato \angruala awm ve ve an ni a, Turkey hian Russia nen inzawmna \ha tak a nei a, Nato official pakhat chuan Turkey thil tih dan hi Nato in a ngaihmawh thu a sawi chhuak nghal bawk.
Turkey hian US F-35 indo thlawhna lei turin inremna a ziak a, he thlawhna siamna tur hian Turkey chuan sum tam tak a thawh ve bawk a, Turkey company te chuan thlawhna part 937 zet an siam bawk a ni. Hetiang anih lai hian Turkey hian ram venhimna kawngah mahni-a thuneihna lian zawk neih tumin hma a la chho zel bawk a, Europe ram te leh US dodalna karah tunah hian Russia ralthuam siamte a lei lui a, US chuan F-35 indo thlawhna hi Turkey hnenah pek a ni lo mai thei tih sawiin Turkey chuan hrekna a hmachhawn mai thei tih a lo sawi lawk tawh a ni.
