State Department chuan heng mite hi Department of State, Foreign Operations and Related Programs Appropriations Act hnuaia Section 7031(c) hnuaia ziahluh an nih tawh thu a puang a, hemi section hnuaiah hian Secretary of State chuan ram dang sorkar hnathawk te dan bawhchhiatna finfiahna a nei a nih chuan anmahni leh an chhungte chu US luh a khapsak thei a ni.
Jamal Khashoggi hi Saudi Arabia ram awp dan sawisel \hin a ni a, October ni 2 khan Saudi Arabia consulate-ah Riyadh a\anga thawn hnathawk 15 rualin rawng takin an that a, Saudi Arabia lal fapa Mohmmed bin Salman chu tual that tura thu petua rinhlelh kai ber a ni. Congress chuan Donald Trump-a sorkar chu hemi chungchang ngaihven tawk lova a puh hnuah State Department chuan hma a la \an a, hemi hma hian Saudi Arabia sorkar hnathawk 24 visa a lo sutsak tawh a, midang 17 te sum leh pai khawihchet theih lohin a lo siam tawh bawk a ni.
