US sorkar-in May ni 2 hnuah chuan Iran a\anga tuialhthei leitu ram te chungah thlei bik nei lovin hrekna kalpui a tum thu a puang.

White House chuan India, China, Japan, South Korea leh Turkey te US hrekna laka awl tir bik \hin chu tihtawp a tum thu a puang a, US Secretary of State Mike Pompeo chuan May ni 2 hnuah heng ramte hian an lei chhunzawm a nih chuan hrek theih an nih tur thu a sawi.
Foundation for Defence of Democracies hotu Mark Dubowitz chuan tuialhthei hralh chhuahna tur nei lova Iran a awm chuan sum lamah harsatna a tawk dawn a, firfiaka chet theihna ralthuam siam nge a duh a mipuite eitur tihah duh a thlan a \ul dawn a ni a ti a, Iran chu ramdangte nena an indawrna kalphung thlak danglam tura US in a nawrna hmanrua a ni a ti.
Pompeo leh thuneitu dangte chuan US, Saudi Arabia leh United Arab Emirates te \angkhawmin khawvel tuialhthei mamawh chin chu pekchhuah an tum thu an sawi a. Tehran chuan US hmalakna chu dan kalh leh awmze nei lo a ni a ti ve thung a, Islamic Revolutionary Guard-a navy hotu chuan khawvel tana tuipui ring rek pawimawh tak Strait of Hormuz khar-ah a vau let ve bawk a ni.