US Senate-in Yemen indonaa Saudi Arabia inrawlh a thlawpa titawp tura thu a tih tluk avang leh journalist Jamal Khashoggi thahnaah Saudi lal, Mohammed Bin Salman-a mawhphurtu zinga an puan tel avangin Saudi Arabia sorkar a lungawi lo hle.

Saudi Arabia Foreign Ministry chuan US Senate thutlukna chu behchhan awm lo leh an ram inrelbawlnaa inrawlhna-ah an ngaih thu an sawi a, an ram hruaitu zah lohna chu pawm zam mai mai an tum loh thu leh US leh Saudi inkar tihchhiat duhtute tan hun remchang siamnaa an ngaih thu leh US Senate chhunga inhnialnaah inrawlh an duh loh thu te an sawi bawk a ni.