US Senate in member ten an fa sen te chamber-a an hruai luh a remti

US Senate in member ten an fa sen te chamber-a an hruai luh a remti. Nilainia an inenkawlna dan an siam\hatah chuan senator te zinga nausen pawm an awm chuan chambera an hruai luh leh hnute an pek pawh phalsak an ni. Kar kalta mai khan senator Tammy Duckworth kum 50 mi chuan nau a hring a, an ram danpuiin a phut anga a mawhphurhna hlen chung sia a fa sen a enkawl tel theih dan tur chu ngaihtuahpui turin member dangte a sawm a ni. A ngenna an remtihsak avang hian Duckworth hian a member puite chungah lawmthu a sawi a, Senate rules committee chairman Roy Blunt chuan nu leh pa mawhphurhna chu thil hautak tak a nih sa tawh reng avangin tih hautak belhchhah sak tur an ni lo a ti.