Puan tawh angin nimin lamah khan External Affairs Minister Sushma Swaraj leh Defence Minister Nirmala Sitharaman te chuan Pompeo leh Mattis te hi an lo mikhual a, ram pahnih hnathawh dun dan tur kawng hrang hrang, sum leh venhimna kawngah an sawiho a, inremna chhinchhiah tlak tak, COMCASA ziah a ni a, hei hian US a\angin khawl \ha leh changkang zawk India tan lei a phalsak bakah, intelligence in pek tawn chungchangah pawh kawng a hawng bawk a, COMCASA inremna piah lamah hian India-in man a duh ber te zing ami, Dawood Ibrahim leh Hafiz Saeed-te awmna chhui chhuah leh man kawngah US-in thawhdun a remti bawk a ni.
2+2 Dialogue neih zawh taka inremna te bawhzui zel a nih dan uluk taka chhui zui leh a \ul hun apianga an inbiak pawh theihna atan India leh US-te’n HOTLINE an thlung dawn.
Hotline hi ram pahniha Defence Minister-te, Nirmala Sitharaman leh Jim Mattis bakah External Affairs Minister, Sushma Swaraj leh US Secretary of State Mike Pompeo-te hman tur a ni a, englai pawha an inbiakpawh theihna tur atana ruahman a ni.
2+2 Dialogue-ah rin lawk ang ngeiin Mike Pompeo-a’n Iran a\anga tuialhthei chawk luh chungchang a sawi chhuak.
Pompeo chuan November thla hma ngeiin Iran a\anga tuialhthei lakluh chu an thawhpui ram zawng zawngin an tihtawp an beisei reng tho na in, an thawhpui hlu zual, India-te chu hrem kher an tum loh thu a sawi a, hemi chungchang hi sorkar mi pawimawh te pawh vawi tam tak an lo sawipui tawh thu leh a \ul chuan man tlawm zawka US a\anga tuialhthei chaw lut tur emaw inhriatthiamna a awm theih tho thu a sawi bawk a ni. Puan tawh angin US chuan November ni 4 a\ang hian Iran hrek \an a tum a, Iran a\anga tuialhthei lei tawh lo turin ram hrang hrang a ngen a, lei lui-te chu hrek tel ve-ah a vau bawk a ni.
