US Secretary of State Mike Pompeo a’n Nuclear ralthuam chungchanga Iran nena thuthlung siam chu thu dik lo behchhana siam a ni a ti

Israel-in Iran ramin nuclear ralthuam chungchangah hma a la ru reng tih finfiahna a nei tih a puan hnuah US Secretary of State Mike Pompeo a’n Nuclear ralthuam chungchanga Iran nena thuthlung siam chu thu dik lo behchhana siam a ni a ti. Mike Pompeo chuan Israel Prime minister in finfiahna a phochhuahte chu thu dik a ni a ti a, hetihlai hian zirbingmite chuan Iran hmalakna thuah hian thil thar engmah hmuh tur a awm loh thu sawiin, Iran-in nuclear ralthuam tih changtlun a tumna avangin kum 2015 inremna kha siam a ni an ti thung. US President Donald Trum hian Nuclear ralthuam thu-a Iran nena inremna hi a duh lo a, a hnawl duh anih chuan may ni 12 ral hmain a hnawl a \ul dawn a ni. Hetihlai hian he inremna-a tel ve, Britain leh France te chuan Iran hian thuthlung siam hi \ha takin a zawm nia an hriat thu sawiin, thuthlung chu vawnnun chhunzawm zel an duh thung a ni. Israel Prime Minister Benjamin Netanyahu chuan Iran chu nuclear ralthuam tih changtlun kawnga hma la ru rengah a puh a, Iran in syria ah a sipai te a sawhngheh zel avangin tunhnaiah Israel leh Iran te inkar boruak hi a chhe chho viau a ni.