US ramri humhimtu sipai hotu in an fate nena ramri kan tum an man te laka thubuai siam chu an chawlhsan rih tih a sawi.
Custom and Border Protection CBP Commissioner Kevin McAleenan chuan Texas-a chanchinbumite a kawmna ah he thu hi sawiin, kar kalta a\ang khan thubuai siamsak tura thawn \hin hi tihtawp a ni tawh tih a sawi a, hei hi President Donald Trump a’n nu leh pa leh an fate dah hran \hin titawp tura thu a pek bawhzuina a ni a ti a, hetihlai hian Trump a chuan dan lova ramri kan tumte chu an fate nen hmun khata dah ho mai turin a ti thung a ni. Nawrna nasa tak karah President Donald Trump-a hian an rama dan lova pem luh tum man chhuahte an fa te nena hmun hranga dah an ni \hin chu ti tawpin a huhova dah turin thupek a siam ta a ni. Hetihlai hian CBP hotupa chuan puitling leh naupangte hi a hranga dah an nih loh chuan puitling te thubuai siamsak theih dan a awm lo tih a sawi thung a, a chhan chu thubuai siamsak tura puitlingte khung hranna hmunah naupangte an awm ve phal a nih loh vang a ni.
