Heng hmun te chhuahsan tura mipuite hapta khat chuang hun an pek hnuah, nimin khan US puihnain Syrian Democratic Forces te chuan Islamic State ten an la awp hmunte hi an la let a, an ram chhung a\anga IS mifirfiakte nuai bo tumin indo thlawhna leh laipui hmangin Islamic State-te awmna Baghouz khua chu an bei a, SDF thupuangtu Mustafa Bali chuan mi firfiak jihadist 600 vel an la awm an rin thu a sawi a, heng mi te hi a tlangpuin ram pawn mi an nih thu a sawi.
December thla a\ang khan IS te awpna chin huam chhunga awm mi 37,000 vel SDF te thunun chin-ah an tlan lut tawh a, a tlangpuin heng mi te hi mi firfiakte nupui leh fate an ni hlawm a, heng zingah hian mi firfiak nia rinhlelh 3,200 vel SDF te hian an hreng bawk a ni. Islamic State vunglai ber khan Syria leh Iraq -ah Britain tiat vel lai an awp \hin a, Iraq leh Syria sipaite leh SDF te hmalakna avangin heng an awp chinte hi laklet an ni deuh vek tawh a ni.
