US President-in Secretary of State thar tur rawt

US President Donald Trump a’n Secretary of State thar tura a rawt, CIA Director Mike Pompeo chu Pakistan laka khauh taka kal duhtu nia hriat a ni. Donald Trump hian Secretary of State nilai Rex Tilerson chu a ban tir tur thu puangin, hei hi Rex Tilerson nen kawng hrang hranga ngaihdan inang lo an neih \hin avanga a mimal thutlukna anih thu pawh a sawi chiang nghal a. Kum 2015-a Iran Nuclear deal chungchang te, North Korea dawr chungchang te leh a pumpuia US in ramdang a dawr dan kalphungah te an ngaihdan a inang lo tih Trump-a hian a sawi. Tillerson hian amah ban anih thu Washington Post in a ziah hnu darkar 3 velah Trump-a hian telephone hmanga biain ban a nih thu hi a hrilh tih a sawi a, Tillerson hian rinawm tak leh tling taka ram hruaitute chunga lawmthu sawiin, America mipuite chungah pawh a lawm tih a sawi a, President chungchang erawh a sawilang tel lo thung. Rex Tillerson kaihhruai State Dept hian Pakistan lakah nem deuh zawka thil kalpui a duh tih a lang a, hetihlai hian Trump hian January ni 1 khan Pakistan in mifirfiakte tana hmun him leh remchang a siamsak a tihtawp hma chuan Pakistan \anpuina zawng zawng a tih tawp nghal thu a lo puang tawh thung a, an ngaihdan a inan loh avangin Trump hian Rex Tillerson hi a ban ta a ni.