Bush hi US President 41-na a ni a, kum 1989 a\ang 1993 thleng President a ni a, hemi hma hian House of Representatives member a lo nih tawh bakah an ram sorkar palai leh CIA Director-te pawh a lo ni tawh a, kumin April thla khan thisen lam natna a neih avangin damdawiinah dah luh a ni a, April vek, ni 17 khan a nupui Barbara Bush chu a lo thi tawh bawk a, kum 73 an innei hman a, fa paruk leh tu 17 leh tuchhuan 8 an nei hman bawk a ni.
Bush hi lawng sipai-ah a \ang \hin a, indopui pahnihna hunlai, kum 1944 September thla khan bomb thlak tura an chhuak chu Japan sipaite’n a thlawhna an kapthla a ni. President a nih hma hian Bush hi Ronald Reagan-a President-na hnuaiah Vice-President term hnih a ni hman a, President nihna a chuh \um hnihna-ah hian Bill Clinton a hneh zo ta lo a ni. Bush hi US leh Russia inkara Cold War a tawp laia President a nih avang leh kum 1990-a Saddam Hussein-a’n a awp Iraq ram laka indo puangtu a nih avangin hriat a hlawh zual hle a ni. US President hlui Barack Obama chuan kum 2011 khan Bush hnenah hian US sorkarin civil mite hnena chawimawina a pek theih sang ber, Medal of Freedom a hlan a, Bush-a fapa, George W Bush chu kum 2001 khan President atan thlan tlin a ni ve leh a, pafaa President ni thei pahnihna an ni a, a fapa naupang zawk Jeb Bush chuan kum 2016 khan President nih tumin a bei ve leh a, mahse Republican party chuan a aiah Donald Trump an thlang ta zawk a ni.
