An inbiak hma hian US federal grand jury chuan Russia intelligence mi 12 te chu US Democratic National Commitee server khawih chingpen thuah an inhnamhnawih ngei niin a lo sawi tawh a, khami \um khan Hillary Clinton-i chhiatna turin Russia hi inhnamhnawiha puh a ni a, tun hnaiah Russia spy hlui UK-a cheng Sergei Skripal-a tur chikhat nerve agent hmanga hrai thuah pawh Russia hi mawhphurtua puh anih avangin US leh Russia inkar pawh hi a kak zau hle a ngaih a ni a, Khawthlang lam ramte chuan Russia hi Ukraine ram rorelna sawinghingah an puh bawk a, kum 2014-a Crimea a awp hnuah khan US tiamin khawthlang lam ramte hian Russia hi an hrek nghe nghe a ni. Hetiang boruak kara Donald Trump leh Vladmir Putin te an inbe ta hi khawvelin a ngaihven hle a ni.
Inbiakna neih hma hian US President Donald Trump chuan US Politician hmasa te chu at thlak taka che \hinah puhin, Russia leh US inlaichinna chu engtiklai mahin a chhe ngai lo zawk a ni a ti.
