Trump-a hian Arizona-a hmaituamna siamna hmun a tlawh tumin, US chu khawsak phung pangngaiah a let leh tan mek tih a sawi a, hetihlai hian US ah hian nitin coronavirus kai thar mi sing 2 bawr an la awm a, mi sang chuangin nitin an la thihpui mek bawk a ni.
US-a damdawi lam thiam, Health Official te chuan mipui kharkhipna thupek hlih a nih chuan hri leng a darh leh a hlahthawnawm tih an sawi a ni.
US hian tun dinhmunah coronavirus kai mi nuai 12 chuang a nei tawh a, hri leng kaihhnawihah mi sing 7 chuang an thi tawh tih hrileng darh dan viltu, Johns Hopkins University Baltimore Maryland chuan a chhinchhiah a ni.
A thutlukna sawiseltute chuan Trump-a hian November-a president thlanna neih tur thlira, US sum leh pai dinhmun a ngaih pawimawh zawk avangin mipuite himna a ngaihthah a ni an ti.
White House-a Coronavirus Task Force hi January ni 29 khan din a ni a, Vice President Mike Pense chu chairman a ni a, mithiam rual 20 member ah ruat an ni.
