Coronavirus vangin khawvel pumah mi sing 8 sang 2 vel an thi tawh a, Trump-a hian WHO chu hrileng chungchanga a hmalak dan a dik lo nia sawiin, a hmalak dan chu China lam a \ang lutuk a ni a ti a, China duhdan zulzuiin hma a la nasa lutuk a ni a ti.
Trump-a hian WHO tana US in sum a thawh \hin chu tihtawp a tum thu a sawi zet a, hemi hnu hian sum pek \hin hi tihtawp tur a ni em tih a ngaihtuah dawn tih a sawi leh a ni.
Trump-a party conservative hruaitu dangte pawhin WHO hi an sawisel nasa hle a, China in hrileng chungchanga data dik tawk lo a puanzar te ring lutukah an puh a ni.
UN thupuangtu Stephane Dujarric erawh chuan WHO hmalak dan hi a chhan thung a, Dr Tedros-a kaihhruai WHO chuan Covid-19 leng mekah ram hrang hrangte tan \angkai takin hna a thawk a ni a ti thung.
WHO hian China chu langtlang taka thil awmdan a puanzar avangin a lo fak tawh a, hetihlai hian China hian an rama Covid-19 thihpui zat dik tak aia tlem a puangzar nia rinhlelhna a lian hle thung.
