Trump chuan ram pahnih roreltute nen an inbiak hnuah India leh Pakistan inkar hi a chhe hle a, boruak a \ang hle tih a sawi a, India mi tam takin an nunna an chan a, thil hlauhawm tak an hmachhawn mek a ni a ti a, fimkhur taka hma lak a ngai dawn a ni a ti.
Pakistan army chuan India-in sipai chakna hmanga a beih chuan a rul tawkin an chhanglet dawn tih an lo sawi tawh a, Pakistan-in mifirfiak pawl te a \anpui \hin avangin khawvel ram dangte’n an ensan theih nan India hian hma a la mek a, tuna Pulwama-a mifirfiakte pawikhawihnaa Pakistan a inrawlh tih finfiahna a neih thu a puang bawk a ni.
Donald Trump chuan Pakistan hian US president dang te hunlaiin duhsak a hlawh nasa hle tih a sawi a, US in Pakistan hi dollar tld 1.3 a pe \hin a, hei hi tihtawp a ni tawh tih a sawi. Pakistan sorkar hotu leh official te ne chu kawm a tum thu Donald Trump-a hian a sawi bawk.
