Trump hian Middle East-a remna leh muanna a awm theihna tura ruahmanna a neih chu Israel Prime Minister, Benjamin Netanyahu hnenah Thawhlehni khan White House-ah a puang a, a ruahmanna chu Israel leh Palestine te inhnehtawkna tur a ni tih sawiin, Israel leh Palestine inkara innghirnghona chu he ruahmanna hian a tihtawp ngei a ring tih a sawi bawk.
Trump chuan a ruahmannaa Israel lam chan chu puang hmasa-in, Israel khawpui, Jerusalem chu \hen hran lohin tuna a awmdan ngai hian la awm rih se a ti a, a ruahmanna chu a rang thei ang bera hlen a tum thu a sawi bawk.
Netanyahu chuan Trump-a thil tih tum dan chu lawmawm a tih thu hrilhin, he ruahmanna hian Israel ram luah West Bank-a Jordan phairuama cheng Israel te himna tur dan chu a taka hlen a nih ngei a beisei tih Trump chu a hrilh bawk a ni.
Hetihlai hian Palestine politician leh Palestine ram tana mi phusa tak tak te chuan Trump-a ruahmanna chu dodal a, sual let an tum thung a ni. Palestine activist Fakhry Abu Diab chuan Trump chu mahni inrawlh lohna tura inrawlhah a puh a, hmanlai thil hluite phawrhin Balfour Declaration a siam thar leh a ni a ti. Abu Diab chuan Trump-a thil tihdan chu Israel tan chauha tih a ni a ti a, ramdangte dan bawhchhiatna leh palzutna a ni tih sawiin, hunrei tak a\ang tawhin zalenna neih duhin an nun an hlan a, 1967 ramri thlengin Palestinian state an duh a, an sual tawh a, ram dangte chhawr a, ham\hatna hmuh an tum ve loh vangin Trump-a ruahmanna chu an hnawl a, an bei zui zel dawn tih a sawi bawk.
