Democratic lamin ramri hungna tur sum ruahman an pass pui duh loh avangin US sorkar hnuaia Dept \henkhat chu ni 20 chhung hnathawk thei lova khar a ni ta a, sorkar hnathawk mi nuai 8 vel zetin hlawh pawh an la thei lo mek a, tun \um hi hetianga sorkar dept \henkhat hnathawk thei lova khar ngaia an awm rei ber \um a ni.
Trump-a chuan a campaign auhla, ramri hung hi an ram himna tura thil pawimawh hmasa a ni a ti a, US-a dan lova pemlutte chu hneh taka dan an ngai a ni a ti a, Democratic lam chuan ramri hung chu mihring nunhona kalphung kalh leh mipui chhiah pek khawm khawhralna satliah mai a ni an ti thung. President Trump-a hian ramri hungna tur dollar Tld 5.7 tel lo chuan sorkar office te hnathawhna tur sum pekchhuahna tur sum ruahman chu a hming a ziah hnan duh lo a ni. Trump-a hian Ningani-a Texas Rio Grande Valley-a ramri vengtute awmna border patrol station a tlawhnaah thu sawiin, congress in sum mamawh hi a pass sak duh lo anih chuan emergency puangin, a thil tum chu kaltlangpui ngei a tum tho tih a sawi a, emergency puan theihna chu a thuneihna liau liau a nih thu a sawi bawk.
