United Nations General Assembly neih pahin Trump-a hian India leh Pakistan ram hruaitute hi a kawm ve ve a, US State Dept hotu Alice Wells-i chuan Kashmir chungchangah chak taka hmalak a nih US in a beisei a, mipuite khuahkhirhna pawh hlih thuai a duh a ni a ti. Alice Wells-i hian ram pahnihin an remti ve ve anih chuan President Trump-a chuan palai hna thawh a inhuam tih a sawi nawn bawk a, hemi chungchangah hian India chuan ramdang inrawlh a remtih loh thu a lo sawi tawh thung a ni.
Alice Wells-i hian Kashmir-a mipuite khuahkhirh chhunzawm zel an ni leh political party hruaitute hren an ni chu US in a ngaimawh hle tih a sawi.
