Kirstjen Nielsen hi Donald Trump-a sorkar policy sawisel hlawh tak, an rama pem luh tumte laka a policy khauh tak kalpuitu kha a ni a, naupang pêm te lej an nu leh pate laka lakhran an nih \hin a nih vangin he policy leh Nielsen hian sawisel an hlawh nasa hle a, United Nations lama mihring dikna chanvo humhalhtu pawl Human Rights Group leh President hlui nupui \henkhatte chuan he policy hi nunrawng an tih thu sawiin an lo sawisel tawh bawk a, Democrat party chuan bang turin an lo phut tawh bawk a ni.
Tunhnaia Mexico leh US inkar ramri kâna pem an hluar thut chungchanga a mawhpuh hnuah Neilsen leh Trump te inkar hi a \ha lo hle a, ramri an tlawh hnu ni engemaw zat hnuah Trump hian Kirstjen Nielsen hi a nihna a\anga a ban thu a puang a, a aiawh turin US Customs and Border Protection Commissioner Kevin McAleenan chu secretary tan ruat a nih thu a puang nghal bawk a ni. Nielsen-a ban chhan hi sawi lo mahse, Trump-a nen an inkar hi hun engemaw chen a\ang khan a \ha tawh lo a, Trump hian an hma laknaah Nielsen hi a khauh tawk lo tiin a sawisel \hin a, Trump-a hian dan loa rama pemlutte laka a hma aia khauh zawka hma lak a duh vang he hmalakna hi a kalpui nia rin a ni.
