Trump-a hian Pathianni-a Taliban aiawh leh Afghan President Ashraf Ghani te nena Maryland Camp David-a inbiakna neih tur chu a \hulh thut a, hapta liamta-a Kabul-a Taliban te pawikhawihna-a mi 12 thihna thleng leh thi zinga US sipai a tel ve chu inbiakna neih mek a tihtawp chhan a ni tih Trump-a hian a sawi.
Taliban chuan Trump-a thil tih dan hi sawiselin remna duh lovah an puh a, inbiakna tih tawp anih vanga tuar ber tur America mi te bawk an ni an ti a, kum 18 chhung an lo beih tawhna chu chhunzawm zel an tum thu te, Afghanistan chu awptu ramdang miin an chhuahsan-a Afghanistan mipuiten an mahnia ro an inrel theihna turin hma an la zel dawn tih an sawi.
