Heng sum te hi Candidate thurawn anga pe chhuak anih thu sawiin, sum hman chhan ber chu inthlanna-a hnehna chan an tum vang a ni tih a sawia, heng sum te hi Trump-a bialnu te ka hupna tur kaihhnawiha pek chhuah a ni. Trumpa chuan he thuah hian sawi a la nei lo a, May thla khan Cohena’n hmeichhe pakhat hnena sum a pek chhuah a rulh let ngei thu a lo sawi tawh a, hemi hmalam hi chuan heng thil thleng nia sawite hi a pha thung.
Kum 51 mi Cohen hian amah puhna thil 8 te chu a pawm a, chung zingah chuan chhiah awlruk leh bank sum tih chingpen kaihhnawih thil dik lo te pawh a tel a, Cohen hi kum 65 lung in tan theihna thubuai a awrh a, kum 5 leh thla thum chhung tang tura hrem a nih hmel a, hrem a nih dan tur hi December ni 12 ah puan a ni dawn a, dollar 500,000 dah khamin bail-a chhuah tir a ni. Puitling Film chang thin Stormy Daniels chuan kum 2016 president thlanna neih dawn khan Cohen hian kum 10 kaltaa Trump-a nena an lo khawsak dun tawh avanga a ka hup nan dollar 130,000 a pe tih a lo sawi tawh a ni.
Virginia Alexandria roreltute pawhin Trump-a Campaign Chairman hlui Paul Manafort chu chhiah awlruk leh bank sum tih chingpen thuah thiam loh a chantir bawk.
