Congress-in Saudi Arabia leh Yemen indonaa US \anpuina tihtawp a tumna Trump-a’n a thuneihna hmanga a dan hnuah he ralthuam hralh tiamna hi siam a ni a, Secretary of State Mike Pompeo chuan Yemen-a hel pawl Huthi te chu US hmelma Iran nena thawkho an nih thu leh rocket hmanga Saudi Arabia an beihnaah America mi te thah an nih theih thu sawiin US-in Saudi Arabia hi a \anpui chhunzawm a ngai a ni a ti a, ralthuam hralh hi Iran vaukhan nan pawh a pawimawh tih sawiin Saudi Arabia, United Arab Emiraes leh Jordan hnena ralthuam 22 pek tiamna chu Congress-in an endik turin a pe chhuak a ni.
Ralthuam hralh a nih tur thu hi Senator Robert Menendez-a’n Zirtawpni khan a puang a, mihring dikna leh chanvo humhalh lam ngai pawimawh lo leh nunrawng taka thuneihna hmang \hin Saudi Arabia ram \anpui tura Trump-a’n hma a la chu thil beidawnthlak a nih rualin mak erawh a ti lo tih a sawi a, he hmalakna hian mihring pawisawi lo mtd chuang nunna a tiderthawng a ni a ti a, MP dang te nen Trump-a hmalakna hi do an tum thu a sawi a, Democrat te bakah Republican MP engemawzatin he hmalak hi an thlawp lo tih a sawi.
Ningani khan President Trump-a chuan US sipai, indo laia dan bawhchhia-a puh, mi pahnih pathum vel thiamchantir-a chhuah a tum thu a puang a, he a hmalakna hian sawisel hlawh mahse heng mite hi diklo taka enkawl an nih avangin a hma lak dan tur chu a dik tih Trump-a hian a sawi thung a, ram tana nunna hlan US sipai te chawimawina ni, US Memorial Day, May ni 27-a chhuah turin Justice Department hnen a\angin indo laia sipai dan bawhchhiate lehkha pawimawh hi a dil chhuak a ni.
Thiam a chantir turte hi puang rih lo mahse case a dilchhuah pakhat chu Special Operation hotulu Edward Gallagher-a case a ni a, a thuhnuaia awm Islamic State mi hliam nei sa a vih hlum avang leh civil mi, ralthuam keng lo 2 a kahhlum vanga lung ina tang mek a ni a, kum 39 mi Gallagher-a chuan heng puhna te hi a pha a, a ukil te chuan a hnuai-a sipai te’n an itsik vanga dik lo taka an puhna a ni an ti bawk a ni.
