UK Prime Minister Theresa May-i chuan Sir Kim Darroch a bang hi pawi a tih thu sawiin, a tan a hna chhunzawm ngaihna a awm tawh lo a ni a ti. Kim Darroch hi a thlawp \ha tawk lo nia hriat a nih avangin conservative party hruaitu nih tum mek Boris Johnson chuan sawisel a hlawh nasa hle.
US president Trump-a hian Sir Kim nena indawr a tum tawh loh thu a puang a, Sir Kim-a email thawn putru-ah Trump-a kaihhruai sorkar chu awmze nei lo leh mumal lo tia a ziahlan avangin Trump-a hian Sir Kim-a hi mi a tak a ni a ti a ni. Sir Kim hian Foreign office ah lehkha thawnin a dinhmun enin, a hnathawh tur leh a mawhphurhna te hlen thei tawh dawn lova a lan avangin a bang tih a ziak a, Sir Kim-a hian thlawptu a ngah hle a, chumi rualin Prime Minister ni thei mai tur, Boris Johnson-a chuan sawisel a hlawh nasa nghal hle bawk. Borisn Johnson-a hi a candidate puiten Sir Kim-a chungchanga a hmalak dan tur an zawhin a chhang duh lo a, hei bakah hian conservative party hruaitu ni tura debate buatsaihah pawh Boris Johnson-a hian Sir Kim-a hi a \an zui dawn lo nia ngaih theihin thu a sawi bawk a, hei vang hian banna hi a thehlut ta a ni.
