Democrats lam aiawh leh Trump-a Ukil te chu thu inchuhin nasa takin an inhnial a, Republican lamin thuhretu ziah luh belh rawtna chu an remti lo thung. Trump-a hi US President te zingah paihthlak tuma thubuai ngaihtuah pathumna a ni a, a thuneihna hmangsualah leh congress in a chungchang an chhuina ti buaia puh a ni a, hei hi amah chuan a pha thung.
President paih tumna hi impeachment tia sawi a ni a, House of Representative, Democratic party ten an thunun mekah chuan thla hlui khan a lo tlang tawh a, tuna thubuai ngaihtuah mekna Senate erawh Republican party te thunun a nih avang leh Trump-a hi Republican a nih bawk avangin paihthlak tumna hi a tlang a rinawm loh a ni.
