US President Donald Trump-a leh North Korea hruaitu Kim Jong-un te an inbiak hma in Japan Prime Minister Shinzo Abe a’n Donald Trump-a biak hmasak a tum

US President Donald Trump-a leh North Korea hruaitu Kim Jong-un te an inbiak hma in Japan Prime Minister Shinzo Abe a’n Donald Trump-a biak hmasak a tum. Abe-a’n Donald Trump-a kawm a tum chhan hi chiang taka puanzar a la ni lo a, Japan ram venhimna kaihhnawih thil pawimawhte a sawipui dawn nia hriat a ni. Singapore Foreign Minister Vivian Balakrishnan pawhin North Korea Foreign Minister Ri Yong-ho hmu turin Pyongyang a pan ve bawk. Tun thla ni 12-a Donald Trump a’n Kim Jong-un biak a tum takah hian Japan ram venhimna chungchang ti khaw lo thei zawnga inremna an siam palh hlauhthawn thuah Prime Minister Shinzo Abe hian Donald Trump-a hi biak hmasak a tum a ni. US a pan dawna chanchinbumite a kawmnaah Shinzo Abe chuan President Donald Trump-a hi nuclear ralthuam chungchang te, Missiles chungchangte bakah mi rukbo chungchang thubuaite a sawipui dawn tih a sawi a, kum 1970 leh 1980 chhovah khan North Korea hian Japan khua leh tui mi engemawzat a rubo a, heng japan mi a rukbo te hi North Korea ram enthlatute Japan \awng zirtir tura rukbo an ni. North Korea hian mi 13 a rukbo thu hi a pha lo a, a tak takah chuan 13 ai hian an tam hle dawn nia rin a ni.