Manafort-a’n a thiamlohna a pawm tur hi US sorkar phiarruk chungchang leh rorelna kalsual tir chungchang-ah a ni a, amah puhna dang thubuai 5 chu tihtawp a ni ang tih US District Court for the District of Columbia chuan a sawi a ni. Manafort hian a thiamlohna pawm tur hian thuneitute nen an inbe rem nia hriat a ni a, an inbiakremna ang chuan a thubuai \henkhat tihtawp a ni ang a, US inthlanpuia Russia a inrawlh nia sawi chungchanga chhui mek, Robert Mueller-a chhui kawngah thuneitute a pui ve thung dawn a ni. Manafort hi thla kalta pawh khan Virginia-ah bank kaltlanga pawisa tih chingpen leh chhiah awl ruk chungchangah pawh thiamloh chantir a lo ni tawh a ni.
