Inremna ang hian hapta khat chhung tharum thawha chetna an chawlhsan mek a, hei bakah hian Taliban te hi Afghanistan sorkar thuneitute nena inbe tura tih an ni. Hetihlai hian Taliban thupuangtu chuan Sorkarin Taliban mi a man, 5000 te chu chhuah an nih phawt loh chuan inbiakna chhunzawm an tum lo tih a sawi a, mi tang chhuahtir hi Inrinni-a Qatar-a US aiawhte nena an inremnaah pawh ziahlan nimahse, Afghanistan President Ashraf Ghani chuan sorkarin mi tang chhuahtir tumna a nei lo tih hi a sawi ve leh thung a ni.
Ghani hian chanchinbumite a kawmnaah Taliban mi 5000 te chhuah turin sorkar a intiam lo a, mi tang chhuah thu chu Afghanistan mipuite duhdana kalpui tur, Afghanistan chhunga chinfel tur a ni tih a sawi.
Taliban te hian Afghanistan sorkar nena inbiak hi an duh ngai lo a, hei vang hian Inrinni-a inremna pawh hi US leh Taliban te inremna a ni a, inremna bawhzui hian Afghanistan sorkar leh Taliban te chu inbe chhunzawm tura ngaih an ni.
Kum 2001-a al Qaeda ten New York an beih hnuah Us hian Afghanistan hi runin sipaiten an \hutchilh nghal a, US hian remna a awm theih chuan a sipaite lak chhuah a tum a ni.
