US Millionaire pakhat chu Nuclear Bomb laka tawm himna tur hmun laia a chhawr, mi pakhat thih thuah thubuai siamsak a ni

US Millionaire pakhat chu Nuclear Bomb laka tawm himna tur hmun laia a chhawr, mi pakhat thih thuah thubuai siamsak a ni. Daniel Beckwitt kum 27 mi hian khawpui daifem-a a in pakhatah nuclear bomb laka tawm himna turin lei hnuai lamah bunker a laih tir a, a danhremi sawi danin, Daniel Beckwitt hian tunhnaia khawvela nuclear indona chhuak mai thei nia sawi leh a bikin North Korea nuclear ralthuam chu a hlauh avangin hetiang hian bunker hi a laih tir a ni. Bunker laitu zinga mi kum 21 mi Askia Khafra chu nikum September thla khan lei verh chhunga kangmei chhuak avangin a thi a, Beckwitt-a hi mi tih hlum thubuai siamsak a ni ta a ni. Maryland-a official pakhat chuan Beckwitt hi mihring nun a ngaihhlut loh vanga thihna thlentirtu-ah puh a ni tih a sawi. Beckwitt-a hian lei hnuai feet 20-a thukah feet 200-a seiin lei a verh tir a, hei hi electric hrui mumal lo taka thlun zawm a ni a, kangmei chhuak palh mai thei a ni tih hi Beckwitt-a hian a hre sa reng niin thubuai siamsaktu prosecutor te chuan an sawi. Nikum September ni 10-a kangmei a chhuah khan Beckwitt hi chu a insaseng thei a, rikrum thila hma latute a hriattir hnuah Khafra ruang hi lak chhuah a ni.