US President, Donald Trump leh Russia President Vladimir Putin-a’n nimin khan North Korea chungchang an sawi dun. Russia thupuangtute chuan President pahnih hi phone-in an inbia a, ram hrang hranga buaina dinhmunte an sawi dunna-ah North Korea-in nuclear ralthuam a sawngbawl chungchang an thlur bing a, hemi kawnga an thawh dan turte an sawi dun niin an sawi a, White House pawhin North Korea dinhmun ralmuang lo tak titawp tura an thawh dun dan tur, ram pahnih hruaitute hian an rel niin a sawi. Putin-a’n America sum dinhmun \ha chho zel lawmawm a tih thu a sawi avangin Trump hian lawmthu a hrilh tih an sawi bawk. Nimin khan President Putin-a hian kum tawp Press Conference a ko a, Trump-a rorelna hnuaiah America sorkar sum dinhmun chu nasa taka a \han thu leh, hei hi Trump-a dodaltute tan pawh hai rual a nih loh thu a sawi a ni. Tun kar tir lam khan US Secretary of State, Rex Tillerson chuan North Korea-in nuclear ralthuam a siam tihtawp chu an tum ber a la ni reng tho nain, phut lawk engmah nei lo-a North Korea nena inbiak an inpeih thu a lo sawi tawh a, Putin pawh hian North Korea chu nuclear ralthuam nei rama an pawm loh thu a sawi ve bawk a ni.
President Vladimir Putin-a chuan, United States hi President Donald Trump-a duh lotute phuahchawp, inenthlakna lam hawi thilin a tibuai hle nia sawiin, heti chung hian Russia leh America inkar boruak chu a la \hat chhoh leh mai a beisei thu a sawi a, US President hnathawh dan endiktu ni hauh lo mah se, a kaihhruaina hnuaia America ramin hma a sawn dan leh, hun rei lote chhunga a hnathawhte chu chhuanawm a tih thu a sawi a, North Korea chungchangah erawh chuan, ralthuam hmanga beih chuan thil \ha a thlen loh tur thu a sawi a ni. Kum 65 mi, Putin-a hi kum 1999 a\ang khan Russia President emaw, PM emaw a la ni reng a, Russia ram chanchina hruaitu ropui ber pawl a tling a ni.
