US leh North Korea-in inbiakna an nei leh dawn hnai nia White House-in a sawi vangin South Korea President Moon Jae-In-a’n US President Donald Trump leh North Korea hruaitu lu Kim Jong Un-te huaisen taka thutlukna nghet tak siam ngam turin a duh tih a sawi.

Jae-In chuan Kore rama leh a chhehvel nuclear ralthuam laka fihlim tur hcuan US leh North Korea an inrem a ngaih thu leh an inkara palai hna thawh bak tih theih an neih ve loh thu a sawi a, palai hna thawk tur hian US leh North Korea pawhin an duh ve ve niin a sawi bawk a ni.

Puan tawh angin White House chuan Trump leh Kim-te inbiakna nei leh turin hma an la mek tih a lo sawi tawh a, North Korea lam hian inbiakna neih hi Trump-a hnenah lekhathawnin an rawt niin a sawi a ni.