US lawng sipaiten Taiwan tlawh theihna tur dan US in siam, China lungawi lo

US lawng sipaiten Taiwan an tlawh theihna tur dan thar, US sorkar-in a siam avangin China a lungawi lo hle a, China Foreign Ministry thupuangtu, Lu Kang chuan Taiwan hi China-in a rama a ngaih, tualchhung buaina chhuahna a nih avangin, US indo lawngten an tlawh chuan Taiwan run tura an inpuahchah nghal tur thu a sawi a, China ram chhung thila ram dang inrawlh an duh loh thu leh, US sorkar dan siam tum hian One China rorelna dan ding lai chu a zah lo hle nia an ngaih thu a sawi bawk a, US thiltum hi an duh loh thu leh US sorkar thuneitute pawh an hriattir tawh thu a sawi bawk. US chuan kum 1979 khan Taiwan nen sorkar thila an inbiaknate chu a lo titawp tawh nain, an ram dan ding lai ang chuan US hian Taiwan hi a invenna tur ralthuam a pek a ngai a, Taiwan ralthuam tam zawk pawh hi US siam a ni.