United States-in vawiin khan North Korea chu a missile hmun pawimawhte chhut chhiatah a vau a, indona a chhuak a nih chuan, Thawhlehni-a North Korea thil tih ang chi, ralthuam en chhin fona-in a cho chhuah a nih tur thu leh, North Korea ram chu nasa taka chhut chhiat a nih tur thu a sawi. UN-a US palai, Nikki Haley chuan he thu hi North Korea-in missile a en chhin leh t^k chungchang sawihona atana koh, UN Security Council \hutkhawm hmanhmawhah a sawi a, North Korea thil tih avang hian indo a hnai lehzual ta nia sawiin, America ram kap ph^k missile a en chhin avang hian a hma zawng aiin indo a hnai ta niin a sawi. Puan tawh angin, he missile hi Sain Ni a\angin North Korea hian a kap chhuak a, km. 1,000 vel a thlawh hnuah Sea of Japan-ah a tla a ni. Nimin khan President Donald Trump-a pawhin China President, Xi Jinping-a chu phone-ina bia a, North Korea chu a thil tih sim tura na zawka nawr tura a chah b^kah China-in North Korea hnena tuialhthei thlitfim loh a thawn \hin pawh titawp turin a ngen a ni.
