US in Iran sipai general an ram chhunga a thah hnu-ah Iraq mipui sang tel tam takin sorkar kalphung siam\hat ngiatin lungawi lohna an lantir leh a, an ram chhunga indo an duh loh thu an au chhuahpui.

Lungawi lohna lantirtute hian Iraq ram chhunga ramdangte an inrawlh an duh loh thu an auchhuahpui a, Baghdad Tahrir Square-a mipui pungkhawmte hi zan lamah pawh belhchhahtu an awm zel a ni. US leh Iran te Iraq chhunga an in nghirngho chu a duh loh thu mipui pungkhawmte hian an sawi a, hetihlai hian prime minister hna la chelh lailawk chhunzawmtu Adel Abdul Mahdi chuan US Secretary of State Mike Pompeo hnenah lehkha thawnin Iraq a\anga US an inhnuhdawh dan tur sawipui tura palai tir turin a ti a, hei hi Iraq parliament in ramdang mi Iraq a\anga in la chhuak vek tura resolution a lo pass tawh bawhzuina a ni a, US State Dept chuan Abdul Mahdi-a ngenna hi a hnawlsak a ni.