US-in Afghanistan-a sipai a dahte a lalet \an a, hei hi Afghanistan-a remna leh muanna a awm theih nan Taliban nena an inremna anga kalpui a ni.
US chuan ni 135 chhungin sipai 12,000 te chu 8,600-a tih tlem thlak a tum a, hei hi an inremnaah pawh ziah a ni.
Kumin February ni 29 khan Taliban leh US hian Afghanistan-a remna leh muanna a awm theih nan sipai la chhuak tura inremna an siam a, hetah hian Afghanistan tel ve lo mahsela, Taliban nen inbe rem tura beisei an ni.
Afghanistan President, Ashraf Ghani chuan Taliban mitangte chu inremna ang diak diakin an chhuah dawn lo tih a sawi a, amaherawhchu, tunkar chhungin Taliban mi tangte zinga 1,000 vel tal chhuah turin president chuan thu a pe tho a ni.
Inremna thuthlung an ziah hnuah Taliban chuan Helmand province-a awm Afghan sipaite an bei leh a, hei hi chhang letin US chuan thlawhna hmangin Taliban sipaite chu a kap ve leh bawk a ni.
