Ramri-ah hian US-a pemluh tum ramdangmi tam tak tangkhangin, tam tak an thi a, naupangte pawhin enkawlna \ha an dawn loh avangin harsatna an tawk a, heng mite \anpuina tura Democrat te ngenna hi Republican in a thunun Senate ah a tlang erawh a beisei awm loh a, hei bakah hian tuna Democrat te rawtna ang hi chu President in a hnawl nghal dawn tih White House chuan a puang nghal a, Trump-a sorkar chuan Democrat te chu an ramin harsatna a tawh, hlawkna tel nana lo hman tumah a puh a ni.
Trump-a hian US-a pemluh tumte laka khauh taka hmalak a tum thu hi 2018 kumtir lam khan a lo puang tawh a, dan kalha ramri kan ramdangmite chu manin thubuai siamsak an ni a, naupang tam tak chu an nu leh pa te nen an in \hendarh phah a, court in heng nuaupangte hi an nu leh pa te nen insuihkhawm tir leh vek turin thupek siam mahse, tun thlengin sorkar enkawl hmun \henkhatah chuan za tel tam tak an la awm mek a ni.
