Tunhnaia clinic-a enchhinna an neihah Remdesivir damdawi hian coronavirus kai damlo na zualte chu dam loh hun chhung a titawi thei tih finfiah a ni a, amaherawhchu, coronavirus enkawlna damdawiah a tlak em tih finfiah a la ni lo thung.
Mi thiamte chu Ebola natna veite enkawlna tura siam a nih a vang te, coronavirus kaiten an dampui ngei em tih te finfiahna a la awm loh avangin fimkhur turin a hmangtu turte an chah a ni.
Oval Office-a US President, Donald Trump-a hova inkhawmah Gilead Chief Executive Daniel O’Day chuan FDA phalna chu a pawimawh hmasa ber a ni a ti a, company-in Remdesivir chu bur nuai 15 pe chhuak se a duh tih a sawi.
US National Institute of Allergy and Infectious Diseases chuan Remdesivir hi clinic-a enchhinna a neih hnuah natna hrikin taksaa natna a thlen rei chhung chu ni 15 a\anga ni 11-ah a ti tawi thei tih an finfiah a ni.
