US duan, North Korea hrekna tur UN-ah ngaihtuah dawn

North Korea ram, na lehzuala hrekna tur thu, United States duan chu United Nations Security Council-ah ngaihtuah a ni dawn a, hetah hian North Korea ramin tuialhthei thlitfim sa a lak luh \hin zaa 90 vel tihtawpna tur leh, rama danga hnathawk, North Korea mite, an rama thawn haw vekna turte tarlan a ni. He thil ruahman hi nimin khan United Nations Security Council member ram 15 hnenah sem darh a ni tawh a, America hian he thu hi China dawr chunga a duan a ni a, China rilru erawh chu hriat a la ni lo. He thu hi pass tur chuan United Nations Security Council member ram 9 talin an thlawp a ngai a, member nghet ram – United States, Britain, France, Russia leh China ram zinga a tumahin an veto power hmanga an hnawl loh a ngai bawk a ni. Hei hi thla hlui ni 29-a North Korea-in khawmualpui dang kap phak, US leh South Korea pawh kah theihna a en chhin vanga ruahman a ni a, pass a nih chuan kum 2006 a\anga UN-in North Korea hrekna thu a pass 10-na a ni tawh dawn a ni. September thla khan UN hian North Korea ramin tuialhthei thlitfim sa a lak luh \hin chu kum khatah barrel mtd. 2 aia tam lo ni rawh se, tih a pass a, tuna mi hi pass a nih chuan, kum khatah barrel nuai 5 chauh a la l<t thei tawh dawn a ni.