US Democratic party-in Russia leh Wikileaks a khing

US Democratic party in kum 2016 President inthlan-a inrawlha puh Russia leh hemi chungchang puangchhuaktu Wikileaks te an khing. An khinna lehkha-a tarlan danin Russia hian President Trump-a’n hnehna a chan theihna turin a \anpui nia tarlan a ni. US President Trump-a chuan Russia nena inrem rukna neia puhna hi \um tam tak a lo pha tawh a, Russia pawhin hei hi a pha bawk. US Intelligence agencies chuan Russia hian Trump-a’n hnehna a chan theihna turin hma a la ngei niin a lo sawi tawh a, he thil hi kil hrang hrang a\anga chhui mek a ni bawk.
Manhattan Court-a thubuai an thehluhah hian Democratic Party hian Trump-a \huihhruai \henkhat, a makpa Jared Kushner te, campaign dan tur duangtu Roger Stone te leh Trump-a Campaign Chairman hlui Paul Manafort te an khing ber a, anni bakah hian Wikileaks dintu Julian Assange pawh an khin zingah a tel a ni. Democratic National Committee Chairman Tom Perez chuan Russia inrawlhna nia sawi hi tunhmaa la thleng ngai lo inbumna nasa tak leh mipui rorelna Democracy beihna lian tak a ni a ti.