Thuneitute chuan ram kang vang hian chenna in 500 vel a chhiat belh leh tawh thu leh, chenna in leh pisa \hahnem tak pawh luah ngam lohin a awm mek tih an sawi a, mi tam zawk thiar chhuah an la ngaih tur thu an sawi bawk a ni. California Department of Forestry and Fire Protection thupuangtu, Scott McLean chuan ram kang hian khua a hnaih tawh em avangin kang\helh pawl leh police-te pawh mahni insaseng thei lo an awm hlauhthawn vangin in tin an luhchhuak mek tih a sawi bawk a, kangmei hi thli thaw vangin \hawngaleivir angin a in vawrh nasa hle a, thingkung te a len thluk bakah lirthei pawh a chhem tawlh nasa hle tih McLean hian a sawi bawk a ni. California-a ram kang hi acre 289,727-a zau a ni tawh a, kum sawm chhunga ram a kan nasat ber \um a ni a, mi 30,000 thiar chhuah an ni tawh a, chhawmdawlna \ha pe turin US sorkar \anpuina a dil thu Governor Jerry Brown chuan a sawi a ni.
Puan tawh angin tun \uma kangmei chhuak hi tihluih nia a hriat a ni a, thuneitute chuan kum 32 mi, pa pakhat an man tawh thu leh thubuai an siam sak tawh thu an sawi a, thiam loh chantir a nih chuan a damchhunga lung in tang tura hrem theih a nih thu an sawi bawk a ni.
